Bing Crosby - White Christmas
Það gengur svo mikið á í lífi okkar að við þurfum stundum pásu, frið, hlé. Við þurfum þetta hlé einu sinni á ári. Jólin eru fyrst og fremst hlé frá veseninu, rifrildinu, stríðinu og stritinu. Þess vegna elskum við hvít jól. Því snjórinn leggur hvíta mottu yfir allt, kallar fram kyrrðina og bætir hljóðvistina.
Þetta snýst um mottulagninguna. Að hafa hvítan feld undir iljum sér. Hvítan feld sem hylur sporin, sem hylur myrkrið, sem hylur blóðið. Við þurfum þetta hlé einu sinni á ári.
En nú eru liðin meira en áttatíu ár síðan mottan var lögð. Við höfum gengið á henni í heilan mannsaldur. Sum segja að mottan sé ekki lengur hvít, hún sé orðin rykug og drullug. Það skiptir engu. Þessi motta má allt. Stundum er hún hvít, stundum sporug, stundum drullug en alltaf sígræn.
Nú er komið að því að haf'ett eins og Kaninn. Gefum flauelinu orðið. Við óskum þér kóka-kóla og prins póló með.
Fílalag er í hýði eins og flestir aðrir landsmenn. Því gripum við til þess að gramsa í gullkistunni og draga fram í dagsljósið eina...
Creedence Clearwater Revival - Have You Ever Seen The Rain? Saga Creedence Clearwater Revival er best tekin saman með einu orði: ákefð. Hljómsveitin starfaði...
Liquido – Narcotic Hér er það komið. Gas allra landsmanna, jagerskota-þrusa. Hér er þrumuguðinn Þór öskurstemmdur upp í skýjunum, klæddur eins og Duff-Man, að...
